ചില കാഴ്ചകള്‍

പ്രകംബനന്‍

2010-11-17T18:55:00.003+05:30

പ്രകംബനന്‍ - താരകാസുരന്റെ സേനാപതി. കഥ: കാര്ത്ത്തികേയ വിജയം (തുളസീവനം)

ക്യാമറ മാറേണ്ട സമയമായി!

കളി വിളക്ക്‌..

2010-07-24T15:55:00.007+05:30

പൊടിപിടിച്ചു കിടന്ന ബ്ലോഗിന് ഒരു ജീവന്റെ വെളിച്ചമാവട്ടെ..

ഒപ്പം, നമ്മെ വിട്ടു പിരിഞ്ഞ ശ്രീ കോട്ടയ്ക്കല്‍ ശിവരാമന് ആദരാഞ്ജലികള്‍..

ഹൈദരാബാദ് ബ്ലൂസ്‌ - 2 - നെഹ്രു സുവോളജിക്കല്‍ പാര്‍ക്ക്‌

2008-09-17T12:00:00.016+05:30

ഒന്നാം ഭാഗം എല്ലാവരും കണ്ടല്ലോ അല്ലേ.. :) ഇതാ നെഹ്രു സുവോളജിക്കല്‍ പാര്‍ക്കിലെ വിശേഷങ്ങള്‍.. (ഫോട്ടോ വലുതാക്കി കാണാന്‍ മറക്കല്ലേ!)

ഇന്ത്യയിലെ ഏറ്റവും വലിയ കാഴ്ചബംഗ്ലാവാണ് നെഹ്രു സുവോളജിക്കല്‍ പാര്‍ക്ക്‌. 300 ഏക്കറില്‍ പരന്നു കിടക്കുന്നത്.. 1200 തരത്തിലുള്ള മൃഗങ്ങളും, പക്ഷികളും, ഉരഗങ്ങളും ഇവിടെയുണ്ടെന്ന്‌ പറയപ്പെടുന്നു..

ഇനി ഇവിടുത്തെ അന്തേവാസികള്‍..

സ്കാര്‍ലെറ്റ് മക്കാവ് (Scarlet Macaws) - ആമസോണ്‍ വനാന്തരങ്ങളിലും മറ്റും കാണപ്പെടുന്നു.. കൂടുതല്‍ വിവരങ്ങള്‍ക്ക്‌ “വിക്കി” ഉപയോഗിക്കുക.. :) മഴയും കൂട്ടിനകത്തെ ഇരിപ്പും കൊണ്ടായിരിക്കും ആശാന്‍ ഭയങ്കര സീരിയസാരുന്നു.. ഒരു ശബ്ദവും കേള്‍പ്പിക്കുന്നില്ല.. :)

ബ്ലാക് ബക്ക്‌ (Black Buck) - കൃഷ്ണമൃഗം എന്നും പറയപ്പെടുന്നു.. ഇല എത്തിപ്പിടിക്കാനുള്ള ശ്രമത്തിലാണ് ആള്‍.. :) താഴത്തെ ചിത്രത്തില്‍ നീണ്ട കൊമ്പുള്ളത് ഇതിലെ ആണ്‍ പ്രജ.. ഈ പാവങ്ങളെ വെടി വെയ്ക്കാനാണ് നമ്മുടെ “മസില്‍“ (സല്‍മാന്‍) ഖാന്‍ പോയത്.. :)

മേഞ്ഞു നടക്കുന്ന മാന്‍ കൂട്ടം.. ഒരു വൈഡ് ആങ്കിള്‍ ഷോട്ട്‌..

ഹിമാലയന്‍ കരടി (The Himalayan Black Bear) - മഴക്കാറുള്ളതു കൊണ്ട് പുള്ളിക്കാരന്‍ ഫുള്‍ ടൈം “വെള്ളത്തില്‍” ആയിരുന്നു :) അവന്റെ നെഞ്ചിലെ വെളുത്ത ചന്ദ്രക്കല ഫോട്ടോ എടുക്കണമെന്നൊക്കെയുണ്ടായിരുന്നെങ്കിലും തീരെ സഹകരണ മനോഭാവമില്ലാതെ എന്നെ നിസ്സഹായനാക്കി കളഞ്ഞു!

പാര്‍ക്കിലെ തടാകം.. ഇതില്‍ ദേശാടനക്കിളികള്‍ വരുമായിരിക്കും.. ഏതായാലും മുതലകളെയൊക്കെ കൂട്ടിനകത്തു തന്നെയാണ് ഇട്ടിരിക്കുന്നത്‌.. ആളെ (അല്ലെങ്കില്‍ ആള്‍ക്കാര്‍ അതിനെ) പിടിക്കണ്ട എന്നു വെച്ചായിരിക്കും.. :)

ഇനിയാണ് ലയണ്‍ സഫാരി.. 25 രൂപ കൊടുത്താല്‍ അടച്ചു കെട്ടിയ വാഹനത്തില്‍ 20 മിനിറ്റ്‌ കാട്ടിനുള്ളിലൂടെ കൊണ്ടു പോകും.. മൃഗങ്ങള്‍ക്ക്‌ ദയ തോന്നിയാല്‍‌ ഫോട്ടോ കിട്ടും.. അല്ലെങ്കില്‍ കാട്ടിലെ കുഴിയിലൂടെയും മറ്റും ഓടി നടുവ്‌ കഞ്ഞിവെള്ളമായല്ലോ എന്ന വിഷമത്തില്‍ തിരിച്ച്‌ വരാം.. ഏതായാലും മൃഗങ്ങള്‍ എന്നെ നിരാശപ്പെടുത്തിയില്ല.. :) ദാ കണ്ടില്ലേ തകര്‍പ്പന്‍ പോസുകള്‍.. :)

ഇവനാണ് ഗൌതം.. റോയല്‍ ബംഗാള്‍ ടൈഗര്‍.. ഒറിജിനല്‍ പുലി!! 4 വയസേയുള്ളൂ.. എന്താ അവന്റെയൊരു ഗെറ്റപ്പ്‌!! :)

ആഹാ ഞങ്ങളുടെ കാട്ടിലൂടെ വണ്ടിയോ?? ആരടാ ഇതിനകത്ത്? കാട്ടിലൂടെ വണ്ടി ചെന്നത്‌ മൂപ്പര്‍ക്ക്‌ ഇഷ്ടപ്പെട്ടില്ല.. ജനലില്‍ ചാടി കയറി ഒരു വീക്ഷണം നടത്തി.. :) ഹും നിങ്ങള്‍ 15 പേരില്ലേ, ഞാന്‍ ഒറ്റയ്ക്കല്ലേയുള്ളൂ.. അതുകൊണ്ട് വിട്ടിരിക്കുന്നു..

എന്തൊരു അഭിനയം..

ഉറക്കം എണീറ്റതേയുള്ളൂ.. വല്യ ഗമയിലാ..

മുഖം നോക്കുകയാണോ വെള്ളം കുടിക്കുകയാണോ എന്നത്ര ഉറപ്പില്ല.. എതായാലും നല്ല പോസ്.. :)

ഇനി അടുത്ത പോസ്റ്റില്‍ ശില്പാരാമം.. :)

ഹൈദരാബാദ്‌ ബ്ലൂസ്‌ - 1 - ഗോല്‍കോണ്ടയും ചാര്‍മിനാറും..

2008-09-14T12:00:00.003+05:30

ഹൈദരാബാദ് എന്ന്‌ ആദ്യം കേള്‍ക്കുമ്പോള്‍ തന്നെ എല്ലാവരുടെയും മനസ്സിലെത്തുക ചാര്‍മിനാ‍ര്‍ ആയിരിക്കും.. ഗോല്‍കോണ്ടയും അതേ പ്രാധാന്യത്തോടെയുണ്ടാവും.. ഹൈദരാബാദിന്റെ ചരിത്രത്തില്‍ തുടങ്ങി ഇപ്പോള്‍ ഒരു ബ്രാന്‍ഡ് നെയിം തന്നെ ആയിരിക്കുക്കയാണ് ഈ രണ്ടു സ്മാരകങ്ങളും.. അടുത്തിടെ ഞാന്‍ നടത്തിയ ഹൈദരാബാദ്‌ യാത്രയില്‍ എടുത്ത ഏതാനും ചിത്രങ്ങള്‍.. (എല്ലാവരും ഫോട്ടോ വലുതാക്കി കാണാന്‍ ശ്രമിക്കണേ..)

ചാര്‍മിനാര്‍..

മെക്ക മസ്ജിദ്.. ചാര്‍മിനാറിന്റെ മുകളില്‍ നിന്നുള്ള ചിത്രം.. സുരക്ഷാ പരിശോധന കര്‍ശനമായിരുന്നതിനാല്‍ മസ്ജിദിന്റെ ഉള്ളിലേയ്ക്ക് ക്യാമറ കടത്തിവിടുന്നുണ്ടായിരുന്നില്ല..

ചാര്‍മിനാറിന്റെ സമീപമുള്ള മറ്റൊരു കെട്ടിടം.. ജില്ലാ ആശുപത്രി ആണെന്നാണ് എന്റെ ഓര്‍മ.. :)

ഗോല്‍കൊണ്ട കോട്ട.. നാശത്തിന്റെ വക്കിലാണെങ്കിലും സര്‍ക്കാര്‍ സ്പെഷ്യല്‍ സ്റ്റാറ്റസ്‌ നല്‍കി പരിപാലിക്കുന്നു.. ഏതാനും ചിത്രങ്ങള്‍..

കവാടത്തില്‍ നിന്നുള്ള ദൃശ്യം..

കോട്ടയുടെ മുകളില്‍ നിന്നുള്ള ചിത്രം.. പൊളിഞ്ഞു തുടങ്ങിയ കോട്ടമതിലും കിടങ്ങും കാണാം..

മുകളില്‍ നിന്നുള്ള മറ്റൊരു ചിത്രം..

നിസാം കൊത്തു പണിയുടെ ഒരു ഉദാഹരണം..

നെഹ്രു സുവോളജിക്കല്‍ പാര്‍ക്ക്‌, ശില്പാരാമം തുടങ്ങിയ കാഴ്ചകള്‍ അടുത്ത പോസ്റ്റില്‍.. :)

മൂര്‍ച്ച കൂടട്ടെ!

2008-06-09T16:40:00.009+05:30

പിച്ചാത്തിക്ക് മൂര്‍ച്ച കൂട്ടല്‍!!

ഹമ്പട!! വെട്ടൊന്ന്.. മുറി രണ്ട്.. :)

സ്ഫടികം

2008-06-03T15:55:00.006+05:30

മഴക്കാലം തുടങ്ങി.. ഇനി ഇതു പോലെയുള്ള കുഞ്ഞു മുത്തുകള്‍ എവിടെയും കാണാം..

ഇഞ്ചിയുടെ സമരത്തിന്‌ എന്റെ പൂര്‍ണ്ണ പിന്തുണ..

കുഞ്ഞനുറുമ്പിന്റെ യാത്ര

2008-05-02T12:43:00.005+05:30

പുതിയ ക്യാമറ കിട്ടിയിട്ട്‌ എന്തിന്റെ പടം പിടിക്കും എന്നോര്‍ത്ത്‌ നടക്കുമ്പോഴാണ്‌ ഇവനെ കണ്ടത്.. "മാക്രോ" മോഡില്‍ എടുത്തു കുറച്ച്‌ പടങ്ങള്‍.. :)

ഇതിലെയെങ്ങാണ്ട്‌ ഒരു വഴിയുണ്ടാരുന്നല്ലോ..

ഇതെന്താ സംഗതി?? എടുത്ത്‌ പിള്ളേര്‍ക്ക്‌ കളിക്കാന്‍ കൊണ്ടുപോയാലോ..

കാലം പോയ പോക്കേ.. റോഡിനൊക്കെ ഇപ്പോ എന്തൊക്കെ കളറാ!!

ബാലി വധം - കഥകളി‌ - ഭാഗം 2

2007-11-04T19:55:00.000+05:30

കഴിഞ്ഞ പോസ്റ്റിന്റെ തുടര്‍ച്ചയായി ബാലിവധം രണ്ടാം ഭാഗം..

ശ്രീരാമന്‍ തന്റെയൊപ്പമുണ്ടെന്ന്‌ മനസ്സിലാക്കി ബാലിയെ പോരിനു വിളിക്കുന്ന സുഗ്രീവന്‍.. ഇതു കേട്ട് അത്യന്തം ക്രുദ്ധനായി പുറപ്പെട്ടു വരുന്ന ബാലി.. ബാലിയുടെ തിരനോട്ടത്തിന്റെ ഏതാനും ചിത്രങ്ങള്‍.. കലാമണ്ഡലം രാമചന്ദ്രന്‍ ഉണ്ണിത്താനാണ് ബാലിയുടെ വേഷത്തില്‍..

ബാലിയുടെ ക്രൌര്യം കണ്ട് ഭയന്നോടിയ സുഗ്രീവനെ ബാലി കളിയാക്കിച്ചിരിക്കുന്നു.. അത്യന്തം ക്രുദ്ധനായി നില്‍ക്കുന്ന തന്റെ ജ്യേഷ്ഠന്റെ മുന്നിലേയ്ക്ക് വരാന്‍ സുഗ്രീവനു ധൈര്യമില്ല.. എങ്കിലും കളിയാക്കല്‍ അധികമായപ്പോള്‍ രണ്ടും കല്‍പ്പിച്ച് ബാലിയുമായി യുദ്ധത്തിനിറങ്ങുന്നു.. യുദ്ധത്തിന്റെ ഏതാനും ദൃശ്യങ്ങള്‍..

തന്നോട് എതിരിടുന്നവരുടെ പകുതി ബലം ബാലിക്ക് കിട്ടും എന്ന ഒരു വരം അദ്ദേഹത്തിനുണ്ട്. ബാലിയുടെ മര്‍ദ്ദനത്തില്‍ ക്ഷീണിതനായ സുഗ്രീവന്‍ അവിടെ നിന്ന്‌ പലായനം തുടങ്ങുന്നു. സുഗ്രീവന്റെ കൈ തിരിച്ച് ഒടിക്കുന്ന ബാലിയുടെ ചിത്രം..

ബാലിയുടെ മര്‍ദ്ദനത്തില്‍ നിന്ന്‌ രക്ഷപ്പെടാനായി ഓടിയ സുഗ്രീവനെ പിന്തുടര്‍ന്ന് മര്‍ദ്ദിക്കുന്ന ബാലിയെ ഒളിഞ്ഞിരുന്ന്‌ അമ്പെയ്ത് വീഴ്ത്തുന്ന ശ്രീരാമന്‍. വേദന കൊണ്ട് പിടയുന്ന ബാലി ഒളിയമ്പെയ്ത ശ്രീരാമനെ പഴിക്കുന്നുമുണ്ട്.. അനുജനെ പുത്രനെപ്പോലെ കാണാഞ്ഞതും, സോദരന്റെ ഭാര്യയെ അപഹരിച്ചതുമാണ് ബാലിയെ വധിക്കാന്‍ കാരണമെന്ന് ശ്രീരാമന്‍ പറയുന്നു.. “ഒരു മൊഴി പോലും പറയുവാന്‍..” എന്നു ബാലി വിലപിയ്ക്കുന്ന പദം ഹൃദ്യമാണ്.. ബാലി വീണുപോയി എന്നറിഞ്ഞ്‌ ഓടിയെത്തുന്ന താരയും അംഗദനും ഒപ്പമിരുന്നു വിലപിക്കുന്നതാണ് ചിത്രത്തില്‍.. ഒടുവില്‍ ബാലിയുടെ നെഞ്ചില്‍ നിന്നും അസ്ത്രം വലിച്ചൂരിക്കൊണ്ട് ബാലിക്ക് മോക്ഷം നല്‍ക്കുന്ന ശ്രീരാമന്‍..

നാലു രംഗങ്ങളേ ആടിയുള്ളൂ എങ്കിലും വളരെ ഹൃദ്യമായി കഥ അവതരിപ്പിക്കുകയുണ്ടായി.. ബാലിയും സുഗ്രീവനും ചേര്‍ന്നുള്ള വാഗ്വാദങ്ങള്‍ വളരെ രസകരമായിരുന്നു. കൊച്ചു കുട്ടികളില്‍ കൌതുകമുണര്‍ത്തുന്ന തരത്തിലുള്ള ഭാവപ്രകടനങ്ങളാല്‍ സമ്പുഷ്ടമായിരുന്നു ഈ രംഗങ്ങള്‍..

ബാലി വധം - കഥകളി

2007-11-04T13:50:00.000+05:30

കളര്‍കോട് മഹാദേവ ക്ഷേത്രത്തിലെ ഉത്സവത്തോടനുബന്ധിച്ച് നവംബര്‍ മൂന്നാം തീയതി നടന്ന ബാലിവധം കഥകളിയുടെ ഏതാനും ചിത്രങ്ങളാണ് ഈ തവണ ചില കാഴ്ചകളില്‍..

അദ്ധ്യാത്മരാമായണം ആരണ്യകിഷ്കിന്ധാകാണ്ഡങ്ങളെ ആധാരമാക്കിയുള്ള കഥാഭാഗം. ശൂര്‍പ്പണഖയുടെ അംഗവിഛേദത്തിനു പകരം വീട്ടുവാ‍ന്‍ സീതാപഹരണം നടത്താനുറയ്ക്കുകയും, അതിനു സഹായത്തിനായി മാരീചനെ സമീപിക്കുകയും ചെയ്യുന്നിടത്താണ് കഥ ആരംഭിക്കുന്നത്. വളരെ ബൃഹുത്തായ ഈ കഥ മിക്കവാറും അരങ്ങുകളില്‍ രണ്ടാം കളിയായി അവതരിപ്പിക്കുനതിനാല്‍ മൂന്നോ നാലോ രംഗങ്ങളില്‍ അവതരിപ്പിച്ച്‌ തീര്‍ക്കുകയാണ് പതിവ്. സുഗ്രീവന്റെ തിരനോട്ടം, രാമസുഗ്രീവ സഖ്യം, തുടര്‍ന്ന്‌ ബാലിയുടെ പുറപ്പാടും ബാലി സുഗ്രീവയുദ്ധവും, ബാലിവധവുമാണ് സാധാരണ കണ്ടുവരാറുള്ളത്. സുഗ്രീവന്റെ പുറപ്പാട്‌ മുതലുള്ള ഏതാനും ചിത്രങ്ങളാണ് ഇവിടെ നല്‍കിയിരിക്കുന്നത്..

സുഗ്രീവനായി വേഷമിട്ടത് കോട്ടയ്ക്കല്‍ ദേവദാസ്..
(ചിത്രങ്ങള്‍ വലുതായി കാണാന്‍ മൌസ് അമര്‍ത്തുക)

സീതയെ തേടിയിറങ്ങുന്ന രാമലക്ഷ്മണന്മാരുമായി കണ്ടുമുട്ടുന്ന സുഗ്രീവനും ഹനുമാനും.. തുടര്‍ന്ന് സീതാദേവി പുഷ്പകവിമാനത്തില്‍ നിന്ന്‌ പൊതി കെട്ടി താഴേയ്ക്കെറിഞ്ഞ ആഭരണങ്ങള്‍ കണ്ട് വിഷാദമഗ്നനാവുന്ന രാമന്‍..

തുടര്‍ന്ന്‌ ബാലി തന്നോട് ചെയ്ത ക്രൂരതകള്‍ വിവരിയ്കുന്ന സുഗ്രീവന്‍..

ബാലിയുടെ ശക്തിയെക്കുറിച്ച്‌ വര്‍ണ്ണിക്കുന്ന സുഗ്രീവനെ, താന്‍ ബാലിക്ക് പോന്ന എതിരാളിയാണെന്ന്` തെളിയിക്കാനായി ബാലി പണ്ട് നിഗ്രഹിച്ച ദുന്ദുഭി എന്ന അസുരന്റെ തലയോട്ടി കാല്‍‌വിരല്‍ കൊണ്ട് തട്ടിയെറിയുകയും, ബാലി കൈത്തരിപ്പ്‌ തീര്‍ക്കാ‍ന്‍ ഉപയോഗിയ്ക്കുന്ന ഏഴ് സാലവൃക്ഷങ്ങളെ ഒറ്റ അമ്പു കൊണ്ട് മുറിക്കുകയും ചെയ്യുന്ന ശ്രീരാമന്‍. ശ്രീരാമന്റെ ശക്തി മനസ്സിലാക്കി അദ്ഭുതപരതന്ത്രനാകുന്ന സുഗ്രീവന്‍..

അടുത്തഭാഗത്തില്‍ ബാലിയുടെ തിരനോട്ടവും, തുടര്‍ന്ന്‌ ബാലിവധം വരെയുള്ള ചിത്രങ്ങളും.. ഫ്ലിക്കര്‍ ഗാലറിയിലും ഏതാനും ചിത്രങ്ങള്‍ നല്‍ക്കിയിട്ടുണ്ട്. വലതു വശത്ത്‌ നല്‍കിയിരിക്കുന്ന ലിങ്കില്‍ ക്ലിക്ക് ചെയ്ത് കാണുവാന്‍ സാധിക്കും..

ബോട്ടിംഗ് തുടരുന്നു...

2007-08-21T14:58:00.000+05:30

ഒരു നാലുകെട്ട്‌ എടുത്ത് ഒരു വള്ളത്തിന്റെ മുകളില്‍ വെച്ചാല്‍ എങ്ങിനെയാവും?? ദാ ഇതു പോലെയാവും :)

കൈനകരിയിലെ അസ്തമയത്തിന്റെ രണ്ടു ചിത്രങ്ങള്‍..

ഏതോ ഒരു റിസോര്‍ട്ട്.. കഴിഞ്ഞ പോസ്റ്റില്‍ പറഞ്ഞ വള്ളംകളി സംഘടിപ്പിച്ചത്‌ ഇവരാണെന്നു തോന്നുന്നു.

വള്ളംകളിയുടെ മറ്റൊരു ഫോട്ടോ..

കാശ്മീര്‍ സ്റ്റൈല്‍ വള്ളങ്ങളാണ്‌ പുതിയ ട്രെന്ഡ്.. :)

എല്ലാവരും ഹൌസ്‌ ബോട്ടുകളുമായി ഇറങ്ങിയപ്പോള്‍ ഞങ്ങളെ ആര്‍ക്കും വേണ്ട! ജല ഗതാഗത വകുപ്പിന്റെ തകര്‍ന്നു കിടക്കുന്ന ബോട്ടുകളിലൊന്ന്‌..

കായലിന്റെ നടുവിലെ തുരുത്തുകളിലൊന്ന്‌. ഇതില്‍ ഇറങ്ങാം എന്നൊന്നും പ്രതീക്ഷിച്ചു കളയരുത്! നല്ല അസ്സല്‍ പാമ്പുകള്‍ കാണും :)

ബോട്ടിംഗ്‌ കാഴ്ചകള്‍ ഇവിടെ തീരുന്നു..
മറ്റു ചില കാഴ്ചകളുമായി ഉടന്‍ എത്തുന്നതാണ്‌.. :)

ഒരു ബോട്ടിംഗ്‌

2007-08-21T14:47:00.000+05:30

കുറച്ചു നാള്‍ മുമ്പ് നടത്തിയ ഒരു ബോട്ടിംഗിനിടയില്‍ എടുത്ത ഏതാനും ചിത്രങ്ങള്‍..

പുന്നമടക്കായലിന്റെ പ്രവേശന കവാടം എന്നൊക്കെ വേണമെങ്കില്‍ പറയാം. ആലപ്പുഴ നഗരത്തിന്റെ മധ്യത്തിലൂടെയുള്ള കനാല്‍ പുന്നമടക്കായലിലേയ്ക്കാണ് ചെന്നു ചേരുക.

പുന്നമടയിലേയ്ക്ക്..

കായലിലേയ്ക്ക് കടക്കുമ്പോഴുള്ള കാഴ്ച. ടൂറിസ്റ്റ് സീസണ്‍ ആണെങ്കില്‍ തലങ്ങും വിലങ്ങും ഹൌസ് ബോട്ടുകള്‍ (കെട്ടു വള്ളങ്ങള്‍) തന്നെ.. ഏപ്രില്‍ മെയ് മാസങ്ങളില്‍ കുട്ടനാടിന്റെ ഉള്‍പ്രദേശങ്ങളിലേയ്ക്ക് ശുദ്ധജലം എത്തിക്കാന്‍ ഈ വള്ളങ്ങള്‍ ഉപയോഗിക്കാറുണ്ടായിരുന്നു മുന്‍പ്. ഇപ്പോള്‍ എല്ലായിടത്തും സര്‍ക്കാര്‍ ജലം എത്തിത്തുടങ്ങി. :) വേനല്‍ക്കാല അവധിക്ക് അമ്മയുടെ വീട്ടില്‍ പോകുമ്പോള്‍ ഞാനും ചേച്ചിമാരും നിന്നിട്ടുണ്ട് ഈ വള്ളങ്ങളില്‍ കൊണ്ടു വരുന്ന ശുദ്ധജലം വാങ്ങാന്‍.. :)

കെട്ടു വള്ളങ്ങള്‍

വന്നു വന്ന് ഇപ്പോ എല്ലാ കാര്യത്തിലും ആള്‍ക്കാര്‍ക്ക് പുതുമ വേണം എന്നതിനാല്‍ ഹൌസ് ബോട്ടുകളുടെ ഡിസൈനുകളിലുമുണ്ട് പുതുമ. അങ്ങിനെയുള്ള ചിലതിന്റെ ചിത്രങ്ങള്‍..

വിനോദ സഞ്ചാരികള്‍ക്ക്‌ വേണ്ടി ഏതൊ റിസോര്‍ട്ട് ഉടമ സംഘടിപ്പിച്ച ഒരു വള്ളം കളിയുമുണ്ടായിരുന്നു. അതിന്റെ ഒരു ചിത്രം..

തിത്തിത്താരാ തിത്തിത്തൈ..

നെഹ്രു ട്രോഫി ജലമേളയുടെ ഫിനിഷിംഗ് പോയിന്റാണ് അടുത്ത ചിത്രത്തില്‍..

കായലിന്റെ മനോഹാരിത.. വിദൂരതയില്‍ ഒരു കെട്ടു വള്ളം..

ഉള്‍പ്രദേശമായ കൈനകരിയുടെ ചില ദൃശ്യങ്ങള്‍..